Tempotimor (Covalima)-Sesta (30/07/2021) Prezidente Cruz Vermelha Timor-Leste (CVTL), Madalena Hanjam inagura mini kampaun CVTL filiál iha Covalima, ne’ebé apoiu orsamentu husi Gabinete Apoiu Sosiedade Sivíl (GASC) iha Gabinete Primeiru Ministru.
“Ita agradese tebes ba apoiu Sosiedade Sivíl Gabinete Primeiru Ministru nian ho apoiu orsamentu ne’ebé ohin ita inagura uma ba CVTL filiál iha Covalima,” dehan prezidente CVTL ne’e liuhusi diskursu hafoin halo inagurasaun ba mini kampaun ne’e, Sesta (30/07).
Iha fatin hanesan Prezidente Komisaun Organizadora CVTL, Domingos Gabriela Amaral agredese tebes ba apoiu orsamentu husi GASC iha gabinete PM hodi konstrui uma ne’e.
“Ami agradese tebes ba apoiu Gabinete Primeiru Ministru, tanba ho sira-nia apoiu ohin inagura uma ho médida 7 versu 5 ne’ebé kompostu husi kuartu rua, haris fatin rua,” nia informa.
Entertantu finanseiru ne’ebé apoiu ba CVTL hodi kontroi edifísiu ne’e hamutuk rihun $10 dollar Amerikanu, ne’ebé rihun sia uza ba kontrusaun uma no rihun ida uza ba produz kartaun membru CVTL filial Covalima nian.(*)
