Tempotimor (Covalima)-Tuir koordenadór Eskola Bázika Filial (EBF), Fernando Bere katak, estudante sira EBF Fatuloro labele estuda kalan, tamba seidauk asesu eletrsidade.
“Iha ne’e aldeia Holba no Fatuloro mak seidaukmasesueletrisidade, depois estudante iha eskola filiál sira estuda loron de’it, kalan labele estuda tanba seidauk asesu eletrsidade, tamba ne’e difikulta tebes ba alunus sira-nia futuru hodi kontinua estudu iha eskola sentrál sira, estudante barak mak valór ladi’ak,” dehan koordenadór EBF ne’e ba www.tempotimor.com iha nia knaar fatin, Kinta (05/08).
Nia afirma, iha EBF Fatuloro estudante barak mak labele estuda iha tempu kalan, tanba uza de’it lampuriña.
“Iha ne’e estudante barak mak la estuda iha tempu kalan, tanba uza de’it lampuriña no uluk solar panel simu, ne’e mós aat hotu ona,” katak koordenadór ne’e.
Alende ne’e reprezentante estudante Eskola Bázika Filial (EBF) Fatuloro, Maria de Jesus sente triste, tamba durante seidauk sente eletrisidade nia naroman nune’e difikulta ami estuda iha kalan.
“Ami estuda kalan ne’e ami uza lampu mak ami estuda to’o agora, ne’ebé ami triste tebes tanba ami-nia aldeia ne’e ahi seidauk iha,” dehan estudante ne’e.
Entretantu estudante iha Eskola Bázika Filiál (EBF) Fatuloro hamutuk 152 nomós manorin sira liu na’in sanulu, tanba ne’e parte relevante sira iha nasionál presiza tau atensaun ba preokupasaun estudante sira nian.(*)
