Tempotimor (Covalima)-Tuir Prezidente Rotaract Club of Covalima (ROCCOV), Julio Arlindo katak, ROCCOV sei fó formasaun ba estudante no juventude iha Covalima kona-ba iha munisípiu Covalima.
“Ami iha ona atividade ne’ebé maka kapasita ami nia membru sira kona-ba treinamentu lideransa ninian, ne’ebé maka realiza iha Dili, ne’ebé laiha kontinuasaun tamba Covid 19, ne’ebé tuir mai ami sei iha formasaun kona-ba lideransa ba estudante sekundáriu no joventude sira iha munisípiu Covlima ne’ebé iha interese atu aprende,”dehan Prezidente ROCCOVba www.tempotimor.com iha Gala, Horseik (09/08)
Prezidente ne’e afirma, membru ne’ebe ativu iha Rotaract Club of Covalima hamutuk 20-resin. Tanba ne’e juventude no estudante sira presiza hola parte hodi aprende.
“Momentu ami harii kuaze ema 90-resin, ne’ebé balu iha preokupasaun estudu entaun balu la ativu, ne’ebé membru ne’ebé ativu iha klubu ne’e hamutuk ema 20-resin iha Covalima, ne’ebé husu ba jovem sira husi tinan 18 to’o 30, bele mai hamutuk iha ROCCOV, atu nune’e aprende hamutuk hodi kontribui buat balu ba ita-nia munisípiu Covalima,” haktenik nia.
Entertantu atu hala’o formasaun lideransa ba juventude no estudate sira iha Covalima inklui atividade seluk, mak Prezidente Rotaract Club of Covalima husu autoridade munisípiu Covelima atu fasilita fatin ruma ba ekípa servisu voluntáriu atu nune’e Rotaract Club bele hala’o servisu voluntáriu hodi servi komunidade sira iha Covalima.(*)
