Tempotimor (Covalima)-Kinta-Feira (30/09/2021) ohin, Ministériu Finansas (MF) fasilita treimentu transformasaun sistema manuál ba online ba kompañia sira iha Munisipiu Covalima.
Diretora Nasionál, Fidelia Gonsalves da Costa hatete, objetivu ba treinamentu ne’e, hodi transfere sistema manuál ba online, tanba mudansa teknolójia entaun emprezáriu sira presiza kompriende hodi utiliza siatema online.
“Treinamentu ida ne’e hodi transfere sistema manuál ba online, tanba sistema online ne’e ita haree komesa mundansa ona, entaun ita bele transfere husi manuál ba online atu nune’e ita-nia emprezadu sira bele hatene kle’an oinsa sira bele uza sistema online ne’e,” katak Fidelia ba jornalista sira, Kinta (30/09).
Nia esplika, tipu haat ne’ebé importante iha online hodi emprezáriu sira uza iha online hanesan taxa anuál, Tax, taxa service, taxa estimasaun, no Unizes taxa.
Iha sorin seluk, reprezentate kompañia Dini Kede Unipesoál, Lda, Eljerico do Nascimento dehan, sistema online ne’e, atu fasilita emprezáriu sira hodi bele asesu sistema liu husi online.
“Treinamentu ida ne’e iha valór duni mai ami kompañia sira, tanba ne’e ami senti orgullu tebes ho sistema online ne’e, karik ami iha duvida ruma ami la bele ba ona iha serve, ami halo de’it iha uma,” katak Eljerico.
Entretantu treinamentu ne’e realiza iha salaun Administrasaun Munisípiu Covalima no hetan partisipasaun másimu husi emprezáriu inklui funsionáriu sira iha administrasaun Covalima.(*)
