Data Perfurasaun La Fixu, Filomeno: Tékniku Na’in 12 Sei Fila ba Indonézia

Tempotimor (Covalima)-Tuir Country Manager Kompañia Internasionál Timor Resource, Filomeno Andrade katak, data perfurasaun mina iha Covalima la klaru, mak kompañia Timor Resource sei haruka fila traballadór téniku husi Indonézia na’in 12, tanba data adi’a husi loron 12 fulan to’o agora seidauk iha data fixu.

“Tanba data ba atividade perfurasaun mina iha Suai ne’ebé seidauk fixu hafoin adi’a husi loron 12 fulan ne’e, maibé kontinua adi’a, ne’ebé traballadór tékniku na’in 12 sei fila ba sira-nia rai Indonézia,” Hateten Filomeno ba jornalista sira iha Haemanu, suku Beko, postu Suai, Sesta (22/10).

Read More

Filomino akresenta, kompañia haruka fila tékniku hirak ne’e, tanba kustu ne’ebé kompañia selu ba sira boot.

“akarik data fixu ba perfurasaun mina klaru ona mak sei haruka traballadór tékniku sira ne’e tama fali mai, tanba loron ida ema ida mak selu $6.000 to’o 8000 dolar amerikanu,” Haktenik Nia.

Entertantu tuir oráriu ne’ebé iha katak, atividade perfurasaun mina iha Covalima, hahú loron 12 fulan ne’e, maibé Autoriedade Nasionál Petroleum no Minerais (ANPM) seidauk fó lisensa inklui momentu ne’ebá membru governu balun seidauk fila husi Dubai, tanba ne’e data perfurasaun kontinua adi’a.(*)

Related posts