Tempotimor (Covalima)-Hela loron ida hodi Dom Basilio do Nascimento lakon hanesan mehi ida iha sarani igreja Katólika iha mundu liu-liu iha Timor-Leste, matebian Bispu dioseze Baucau, Dom Basilio do Nascimento sei konta nia istória moris ba sarani sira iha Zumalai.
Tuir matebian Dom Basílio do Nascimento iha 29 Outubru 2021 ne’e, matebian konta hela nia istória ba sarani sira Zumalai hafoin fó ordenasaun ba díakonu na’in rua ne’ebé simu ona títulu saserdotál iha Parókia Nossa Senora do Carmo Zumalai.
Ha’u moris iha rai Zumalai, ha’u-nia husar talin mós hakoi iha rai zumalai aldeia Pelet suku Lour, no ohin ha’u fila fali mai rai Zumalai, ne’ebé ha’u konta hanesan ne’e para imi hatene no ohin ha’u kontenti tebes ba amu foun na’in rua ne’ebé simu ordenasaun, depois ida Zumalai oan rasik simu ordenasaun entaun apresia,” dehan matebian Dom Basílio iha Igreja Parokia Nossa senora do Carmo Zumalai, Sesta (29/10).
Entertantu iha missa ordenasaun ne’e saudozu Dom Basílio konta mós kona-ba ralasaun familia aldeia Pelet, suku Lour postu administrativu Zumalai.
Maske nune’e, saudozu tenke husik hela mundu no familia, tanba hetan atakasaun fuan bainhira sei iha Covalima no dezloka ba Dili, maibé infelizmente la konsege salva bispu Dom Basílio do Nascimento nia vida, tanba oras tama ba tuku 13:30pm saudozu hakotu iss iha Ospitál Nasionál Guidu Valadares.(*)
