Tempotimor (Covalima)-Diretór Servisu Saúde Munisipiu Covalima, Filipe Pereira Lemos hateten, durante loron finadu profesionál saúde husi postu administrativu tolu kontinua halo dor-to-dor ba programa vasinasaun tama sai uma, hodi vasina komunidade sira ne’ebé seidauk simu.
“Durante loron feriadu 3 de novembru 2021 to’o agora profesionál saúde hosi Postu Administrativu Suai Vila, Postu Maucatar no Postu Tilomar nafatin la’o tuir komunidade sira ne’ebé labele simu vasina atu sira mós bele simu vasina liuhusi atividade dor-to-dor no vizita domisiliáriu,” Hateten Diretór SSMC ba www.tempotimor.com liuhusi via telefone, Kinta (04/11).
Objetivu husi tama-sai uma ne’e ho intensaun atu ajuda komunidade hodi livre husi moras Covid-19, nune’e munisípiu Covalima fila fali ba nova normalidade.
“Ita bele livre husi COVID-19 atu ita fila fali ba nova normalidade iha Timor-Leste espesial ita ne’ebé iha munisípiu Covalima ne’e, tanba hela de’it pursentu 22-resin mak seidauk simu vasina, maibé ita esforsu kontinua la’o hodi hasa’e pursentu no agora ita Covalima iha pursentu 88,8%,” Nia informa.(*)
