Aitahan Matak Prontu Responsabiliza Deklarasaun iha Facebook

Veteranu Antonio Aitahan Matak. Sesta (05/11). Foto Tempo Timor

Tempotimor (Díli)-António Aitahan Matak (AAM) hatete, nia parte prontu hatan iha Tribunál bazeia ba deklarasaun ne’ebé lansa iha mídia sosiál (Facebook) maibé tenke bazeia ba Lei.

“Tribunál ne’e ha’u prontu, lei artigu hira mak hatete ida ne’e, apakah ha’u ba tribunal ne’e kria kondisaun antgónika, buat ida la’os lia ita lori fali ba lia”, dehan António Aitahan Matak ba jornalista sira iha nia Rezidénsia Bekora, sesta (05/11):

Read More

Bainhira komunidade sira levanta kazu ne’e tenke husu tuir duni Bispu nia moras no nia agora ne’e kondisaun oinsá no prezensa.

Tanba ida ne’e mak husu ba populasaun sira atu iha hanoin sentimentu ba Saudozu Bispu Dom Basilio do Nascimento ne’ebé mak husik ona mundu.

Deklarasaun ne’ebé lansa iha Facebook la refere ba komunidade no populasaun sira iha rai Suai nian.

“La kontra komunidade sira, la kompete ba komunidade Suai, ema ida ne’ebé mak bulak ba dehan ema buan, ne’e mak iha ita-nia rain ne’ebá o la multa tiha ba ha’u?: Ha’u hán ema iha ne’ebé”, afirma nia.

Tanba ne’e, laiha odiu ba Suaioan no laiha problema ruma karik iha problema nia tinan sei la to’o atus ida (100).

“Rai Suai ne’e ha’u hotu Jura tiha kedas se ha’u la’ós rai Bekisa Likisá no Webiku Wehali na’in ha’u la to’o cem anos (100) agora ha’u idade 65 ne’e ha’u promete rai ne’e lulik Bispu ba ona nia liu ha’u tinan hitu (7)”, nia promete.

Nune’e nia mós esplika kona-ba ba signifikadu ne’ebé lansa iha mídia sosiál kona-ba akar no abut ba públiku sira, mk motivu moras ne’e deskobre katak Dom Basilio sofre moras Cardiologo:

“Akar ne’e saida?. Buka tuir to’ok buat ne’e saida mak kona?. abut ne’e dehan katak aimoruk naran sá loos mak kona?. Ne’e mak ha’u hetan naran Cardiologo, aimoruk ne’e la’ós ema mak halo no mai husi ne’ebé mak kona amu”, dehan nia.

Deklarasaun ne’e rasik laiha intensaun aat ba sira no la fende ba komunidade iha Suai tomak.

“Laiha intensaun aat sira, ha’u-nia maun alin ha’u sira nia maun alin maibé Sala loloos ne’e Estadu Bupate la iha atensaun ba ema internasionál ida mak tama iha sira-nia rain maibé laiha atensaun para tenta kalan ne’e lori kedas amu Bispu to’o lalais iha ospital maibé buat hotu liu ona, buat ida mak aviaun la to’o lalais ne’e”, esplika nia.

Antes ne’e Portavoz Ekipa Servisu Covalima Vitória ho Domin -20 (EKSES-COVID20), Rosario Doloroso Ximenes, husu António Aitahan Matak atu responsabiliza ba nia estetmentu ne’ebé lansa iha Facebook.

“Ami Povu kontinua ezije ba António Aitahan Matak atu responsabiliza estetmentu ne’ebé mak públika ba públiku iha loron 30/10/2021 liuhusi sosiál midia””, dehan Rosario Doloroso. (*)

Related posts