Tempotimor (Kovalima)-Relasiona ho informasaun ne’ebé públiku iha média sosial facebook katak, perfurasaun mina matan Feto Kmaus hetan ona mina no gás ne’e informasaun falsu.
“Informasaun ne’e falsu, tanba agora seidauk iha rezultadu nune’e kontinua halo perfurasaun,” Hateten Country Manajer Timor Recources Filomeno Andrade ba www.tempotimor.com, Segunda (08/11).
Filomino afirma, husi lansamentu iha loron lansamentu to’o agora seidauk hetan rezultadu.
“Ha’u atu hateten katak hafoin halo lansamentu iha loron 27 de outubru to’o agora seidauk hetan nia rezultadu, ne’ebé produtu ruma atu halo teste ka sei kontinua halo perfurasaun seidauk iha rezultadu,” Nia Haktenik.
Entretantu informasaun ne’ebé espalla ona iha média sosiál facebook mak informa ba públiku katak, perfurasaun mina matan Feto Kmaus tékniku sira hetan ona.
“Agradese wa’in ba Aman Maromak, Ami-nia respeita wain basuk ba rai na’in lulik no Mártires eroi da patria no natureza Timor, tanba ohin loron Segunda (08/11/2021), perfurasaun hetan ona mina-rai no gás iha mina matan Feto Kmanus iha Suai Covalima, Parabéns ba tékniku sira-nia esforsu la saugate,” katak uzuáriu facebook ida ne’ebé utiliza user Bangpol Corona.(*)
