Tempotimor (Kovalima)-Perfurasaun mina matan iha Feto Kamaus foin atinji metru 470, maibé tuir tarjeitu mak tenke atinje metru rihun 1.700-resin, maibé iha ona mina no gas oituan ne’ebé dudu sae tahu no bee.
“Fura mina ne’e ba metru rihun 1.700-resin, maibé dadaun ne’e gás hahú dudu ona mina oituan, maibé maioria sei tahu no bee ne’ebé seidauk mina,” dehan Country Manajer Kompañia Internasionál Timor Reaource, Filomino Andrade, Tersa (09/11).
Nia dehan, kona-ba mina teen ne’ebé hahú sulin tama ba valeta laran no to’os laran, mak kompañia halo ona intervensaun ne’ebé rápidu hodi hamos áreadores perfurasaun hodi nune’e labele fó impaktu ne’ebé boot ba área refere nomós komunidade sira.
“Ekipa tékniku sira hamos dadaun ona iha área perfurasaun mina matan Feto Kmaus nune’e labele fó impaktu ba komunidade sira no sira-nia plantasaun,” Hatete Filomeno.
Observasaun www.tempotimor.com hatudu katak, trabaladór sira husi kompañia Timor Resource to’o iha lokraik konsege hamos ona tahu ho bee ne’ebé kahur ho mina iha área perfurasaun.(*)
