Kovalima Prevé Rihun $12,800 ba Komemora 28 de Novembru ba Dala 46

Ekipa Isar Bandeira Nasional Timor-Leste dada hela bandeira nasional iha resintu palasiu governu tinan hirak liuba kotuk. Foto Ofesial

Tempotimor (Kovalima)Relasiona ho komeorasaun loron proklamasaun independénsia ba dala 46 iha munisípiu Kovalima, maka autoriedade Kovalima prevé orsamentu rihun $12,800.00 ba komemorasaun loron importante ne’e.

Tuir Koordenadór Komisaun Organizadora, Francisco Alves katak, orsamentu rihun $12,800.00 ne’e sei aloka ba kada postu administrativu iha munisípiu Kovalima.

Read More

“Orsamentu $12,800.00 ne’e, rihun $4,500.00 sei aloka ba postu administrativu Maukatar, Fatumea, Fohorem, Fatululik, Tilomar, Suai vila no Zumalai ne’ebé kada postu hetan rihun $750.00 hodi hala’o atividade komemorasaun proklamasaun Independénsia,” Francisco dehan ba jornalista sira iha Suai, Tersa (16/11).

Komeorasaun loron nasionál ne’e, postu Suai sei realiza atividade kompetisaun desportu komunitáriu no animasaun kulturál no seluk tan, tanba ne’e komisaun sira sei prepara prémiu balun atu nune’e bele atribui ba vensedór sira.

“Ita sei iha atividade desportu komunitáriu, dada tali, halai kuda no seluk tan, depois dansa kulturál, kompetisaun kanta ba estudante sira, poezia, ne’ebé buat barak loos, tanba ne’e ami sei prepara prémiu balun atu nune’e bele fó ba manan na’in sira, ne’ebé iha postu Suai ne’e suku Debos, Beko, Kamnasa, Suailoro no Labarai mak tuir kompetisaun,” Fransico esplika.

Entretantu serimónia komemorasaun loron proklamasaun independénsia 28 de Novembru iha postu Suai sei realiza iha kampu futebool Ladi.(*)

Related posts