Tempotimor (Kovalima)- Sentru Solidariedade Sosiál no Inkluzaun (SSSI) munisípiu Kovalima ho Banku Nasionál Komérsiu Timor-Leste (BNCTL) hahú ona prosesu pagamentu faze daruak nian ba idozu no invalides iha munisípiu Kovalima ne’ebé hahú ona iha loron 22 novembru 2021.
Tuir diretór Sentru Solidariedade Sosiál no Inkluzaun (SSSI) munisípiu Kovalima, Agapito Assis katak, benefisiáriu iha Kovalima ne’ebé SSSI ho BNCTL sei halo pagamentu iha faze daruak hamutuk 6.129 ho totál orsamentu U$1.103,220.00.
“Ita mós iha ona koordenasaun ho BNCTL liga ho prosessu pagamentu, ne’ebé hahú iha loron 22 segunda ne’e, ida ne’e ba faze daruak nian iha tinan ida ne’e, ne’ebé benefisiáriu hamutuk rihun 6.129 ne’ebé kompostu husi invalides no idozu sira, depois totál orsamentu millaun $1.103,220.00,” dehan diretór SSSI bainhira partisipa iha eventu komemorasaun loron Ai-han Mundiál iha salaun Uma Feto Kovalima, Kuarta (24/11).
Entretantu prosessu pagamentu faze dahuluk ne’e haha’o ona iha juñu 2021 ne’ebé benfisiáriu hamutuk 400-resin mak hetan ona direitu. Nune’e semana ne’e pagamento ba faze daruak hahú no sei remata iha janeiru 2022.(*)
BNCTL Covalima Halo Ona Pagamentu ba Idozu 400 – Tempo Timor Suai
