ONG Hamnasa no INS Kapasita Pesoál Saúde Sira iha Covalima

Pesoal Saude sira partisipa hela iha formasaun kona-ba atendimentu ne'ebe fasilita husi ONG Hamnasa no INS, ne'ebe realiza iha suku Kamanasa, Tersa (14/12). Foto Tempo Timor

Tempotimor (Covalima)-Organizasaun La’ós Govermnu (ONG) Hamnasa hamutuk ho Intitutu Nasionál Saúde (INS) Timor-Leste fó formasaun estandirizasaun asistensia saúde inkluzivu ba profesionál saúde sira husi postu administrativo hitu iha suku Camanasa, postu administrativu Suai, munisípiu Covalima.

Tuir diretor ONG Hamnasa, Paul Vasconselhos katak, formasaun ne’e ho objetivu oinsa ema ho difisiénte sira bele asesu ba saúde ho livre no labele halo diskriminasaun.

Read More

“Objetivu treinamentu ba pesoál saúde sira husi postu administrativu hitu ne’e oinsa pesoál saúde sira halo atendementu ba ema ho difisiénte hanesan, labele halo diskriminasaun ba sira iha ne’ebé de’it sira mós iha direitu ba  asisténsia hanesan hodi asesu ba iha sentru saúde,” katak Paul ba jornalista sira iha suku Camnasa, Tersa (14/12).

Iha sorin seluk reprezentante Diretór Servisu Saúde Munisípiu Covalima, Agapito de Jesus agradese ba organizasaun Hamnasa no INS tanba fó ona formasaun ba ekipa saúde sira husi postu sira, no husu ba pesoál Saúde sira atu aprende ho di’ak nune’e bele implementa iha servisu fatin.

“Há’u agradese tebes ba organizasaun Hamnasa no INS tanba bele fo ona formasaun ba kolega funsionáriu saúde sira husi postu administrativu hitu. Tanba ne’e kolega sira aproveita hodi aprende nune’e fila ba ita-boot sira nia servisu fatin bele implementa saida mak imi hetan iha fatin ne’e,’ Aagapito hateten.

Entertantu formasaun ne’ebé ONG Hamnasa ho INS fó ba pesoál saúde sira durante loron haat ne’ebé hahú husi ohin (14/12/2021) no remata iha Sesta (18/12/2021).(*)

Related posts