Tempotimor (Covalima)-Tuir Diretór Ospital Referal Suai (ORS), José Moniz Ferreira katak, husi janeiru to’o novembru tinan 2021, ina isin-rua kuaze atus hitu mak hala’o konsultasaun jerál iha ospital jerál Suai.
“Inan isin rua ne’ebé mai halo konsultasaun iha ospitál Suai rejista hamutuk 687. Nune’e, ba inan isin-rua sira ne’ebé mai partus iha ne’e husi fulan janeiru mai to’o novembru ba tinan 2021 ne’e hamutuk 687, ba bebe ne’ebé partus normal mak 555, partus ne’ebé halo operasaun 133. Entre bebe hirak ne’e na’in sia mak lakon vida,” dehan Diretór ORS, José ba jornalista sira iha nia knaar fatin, Kuarta (15/12).
Maske husi perspetiova seluk hatudu katak, Bebe barak mak moris iha Covalim, amibé husi perspetiva seluk moras Infeksaun Respiratóriu Águda (ISPA) mós kontinu ameasa Covalima oan.
Númeru ne’ebé ORS Covalima rejista ba moras ISPA, Hipertensaun no Gastritis hamutuk 769.
“Ba ema boot ne’ebé konsulta ba moras Infeksaun Respiratóriu Águda (ISPA) hamutuk 266, Gastritis hamutuk 204 no hipertensaun hamutuk 150. Maibé labarik ki’ik ne’ebé halo konsulta iha ospitál ba moras diarea ne’e hamutuk 769, moras ISPA hamutuk, 404 inklui isin manas hamutuk 102 ne’ebé nain rua lakon vida no ba moras Tuberkuloze mate na’in sai,” nia tenik.
Relasiona ho moras ne’ebé aas iha Covalima, mak Diretór Ospitál Referál Suai husu ba komunidade sira kuidadu oan sira labele husik livre hodi konsumu, tenke fase liman tuir oras, inklui moras hirak ne’e kauza husi suar sigaru nian.(*)
