Saúde Covalima Kontinua Servisu Iha Fronteira TL-Indonézia

Tempotimor (Covalima)-Servisu saúde munisípiu Covalima, kontinua destaka pesoál saúde iha pontu entrada Salele hodi kontinua halo reste PCR no halo dezinfesaun ba komunidade nasionál no estranjéiru ne’ebé tama-sai iha fronteira rai.

Tuir responsável médiku iha pontu entrada Salele, Humberto Yohanes katak, bazeia ba despaxu husi Ministériu Saúde (MS) katak, ema no sasan ne’ebe husi Indonézia tama mai Timor-Leste sei halo dezinfelta no teste PCR ba komunidade sira.

Read More

“Atendementu ba ohin loron tuir despaxu ne’ebé fo sai ona, ne’ebé ohin loron ami atende kareta no sasan merkadoria ne’ebé tama husi Indonézia no segundu ami atende mós pasajeiru legál, maibé tenke halo swap teste PCR validu, negativu oras 48 depois haree mós sertifikadu vasinasaun,” dehan médiku Humberto ba jornalista sira iha Salele, Kuarta (22/12).

Nia hatutan, durante atendementu ba COVID-19 iha pontu entrada Salele la’o normal no seidauk hetan ema ruma pozitivu.

“Tuir ami-nia servisu kona-ba COVID-19 iha pontu entrada Salele la’o di’ak hela no seidauk hetan pozitivu husi ema ne’ebé tama sai durante ne’e, tamba ita-nia atendementu iha pontu entrada Salele ne’e primeiru ita haruka sira fase liman, depois ami halo dezinfekta sira-nia sasan, depois ami halo triajen, halo investigasaun hodi halo kartaun deklarasaun saúde, chek mós sira ne’ebé tama husi Indonéza sira-nia kartaun vasinasaun depois ami halo swap hafoin ita haree rezultadu negativu mak ami entrega ba parte imigrasaun,” tenik nia.

Entertantu atendimentu ohin kuarta (22/12/2021) ne’e sidadaun Indonézia hamutuk na’in 15 mak tama área Timor-Leste inklui labarik, sasan no kareta.(*)

Related posts