Tempotimor (Covalima)-Tuir xefe Sentru Saúde Salele Tilomar, Domingos Fátima Oliveira Lemos katak, husi janeiru to’o novembru 2021 númeru moras ne’ebé as liu iha Sentru Saúde Salele mak moras respiratóriu tanba kauza husi ambientál.
“Iha ne’e moras aas liu mak moras respiratóriu, tanba kauza husi ambiente no foer ne’ebé iha uma barak hodi hahoris susuk nomós klima, hanesan rai rahun entaun númeru moras ne’e aas,” Domingos Fátima Oliveira Lemos Koalia ho Jornalista Tempotimor iha nia servisu fatin.kuarta (22/12).
Nia realsa, númeru moras respiratóriu ne’ebé postu saúde ne’e rejista hamutuk rihun 2.609.
“Tuir dadus estatíska no informasaun ne’ebé pesoál saúde informa ba há’u ne’e maka rihun 2.609. Ba mane 1.173 no ba feto 1.436, tanba ne’e há’u husu ba komunidade sira molok atu han tenke fase liman nune’e bele prevene ka redús númeru moras respiratóriu ne’e,” Tenik nia
Ba kestaun ne’e, xefe Sentru Saúde Tilomar husu komunidade sira atu uza konsiénsia kona-ba saúde personalidade no hamenus fuma sigaru tanba tempu bailoron rai rahun barak entaun afeita ba komunidade sira.(*)
