Tempotimor (Covalima)-Ministra Saúde (MS), Odete Maria Freitas Belo, promete sei harii tán postu saúde rua iha Munisípiu Covalima.
MS hato’o lia hirak ne’e, liu husi diskursu hafoin akompaña Primeiru Ministru, Taur Matan Ruak ne’ebé hala’o dialogu ho povu munisípiu Covalima, ltersa (11/01).
MS, Odete hatete, sei halo parseiru ho autoridade lokál hodi harii postu saúde ida iha Suku Suailoro, Postu Administrativu Suai no ida seluk iha Suku Holpilat Postu Administrativu Maukatar.
“Antes atu halo postu saúde, ita mós infrenta problema, bainhira Governu iha ona orsamentu atu harii, dala ruma rai ka fatin atu halo uma mak la iha, depois harii tiha, bee la iha, eletrisidade seidauk tama komunidade sira nia leet, buat sira ne’e mak sai problema ba ministériu da saúde,” dehan MS
Tanba ne’e, atu harii postu saúde tenki kriteria liliu kona-ba abitantes ka populasaun, tanba tuir kriteria husi Ministériu da Saúde populasaun tenke rihun 1.500 ba leten iha Suku ida foin bele hetan. (*)
