Deskonfia Familia Eis Membru DPRD iha Indonézia Ameasa JdS Nia Oan Sira

Eis membru DPRD, kabupaten Malaka, Egidio Amaral Manek. Foto Google

Tempotimor (Covalima)-Relasiona ho inan JdS ne’ebé deside halai fila husi Indonézia mai Timor-Leste, iha loron 10 janeiru 2022 tanba hetan beibeik agresaun fíziku husi la’en, maka dadaun ne’e nia oan sira deskonfia iha ona ameasas nia laran.

Tuir informasaun ne’ebé www.tempotimor.com hetan husi familia ida ne’ebé besik liu JdS ho naran inisiál AA katak,  JdS nia oan sira ne’ebé iha Indonezia ba dadaun ne’e hetan presaun husi familia eis membru asembleia ka Dewan Perwakilan Rakyat Daerah (DRPD) iha Malaka Egidio Amaral Manek.

Read More

Tuir voice ne’ebé familia ida husi eis DRPD ne’e grava no aruka ba JdS nia oan ho naran inisiál “A” katak, labele fila ba uma, tanba bainhira fila ba uma mak sei akontese buat ruma ba oan refere.

“Imi teruskan ha’u-nia pesan suara ne’e ba “A”, ne’ebé atu halo nusa? eh “A” oh nia ama iha video youtube nega o-nia papa ne’e nanti o mós halo tuir o-nia mama, supaya imi fila hotu ba Timor de’it ona, imi lalika hela iha ne’e, o tan labele mai uma Wemasa ne’e o rona, mai mak hetan iha uma oin ne’e haree kedas ami,” dehan iha voice gravasaun ne’ebé www.tempotimor.com asesu husi AA iha Kinta (13/01).

Liga ho situasaun ne’ebé JdS nia oan sira hasoru iha Indonézia hahú halo JdS tauk no konsulta ho familia sira oinsa atu buka rezolve situasaun sira ne’ebé nia oan sira infrenta.

Maske Nune’e, tuir informasaun ne’ebé sita husi média online www.voxtimor.com katak, JdS nu’udar sidadaun Indonézia ona, nune’e Egidio Amaral Manek hanesan la’en husu ba JdS atu fila ba Indonézia.

“Ha’u foin hatene, bainhira haree iha youtube RTTL nian, ha’u hanoin nia iha Betun. Tanba ami-nia oan primeiru (Charles) nia fen mós tuur ahi,” dehan Manek ba www.voxtimor.com iha horseik (12/01).

Ho kestaun ne’e, nia parte husu ba imigrasaun Timor-Leste nia atu deporta hikas JdS ba Indonézia.

“Aban, (kuarta, 13/01/2022) ha’u ba iha fronteira Motamasin hodi hasoru malu ho imigrasaun Indonézia nian. Tanba ha’u hakarak ha’u-nia fen (JdS) mai fali. Tanba nia sidadaun Indonézia. Ha’u husu tulun ba imigrasaun Indonézia lalais halo komunikasaun ho imigrasaun husi Timor-Leste,” Manek espera.(*)

Related posts