Tempotimor (Covalima)-Servisu Saúde Munisípiu Covalima (SSMC) hahú implementa vasina Pfizer ba ékipa liña frente sira liliu ba Sentru Saúde 7 iha Munisípiu Covalima.
“Iha ne’e ba kampaña Pfizer ba estudante nomos hala’o boster ba iha lina oin, agora boster Pfizer ami hala’o ona ba iha lina frente ka lina oin sira, ne’ebé distribui ona Pfizer ba Sentru Saúde 7 ne’e komesa kedas iha semana kotu hala’o ona,” dehan Diretór Servisu Saúde Munisípiu Covalima, Maria Fátima Moniz iha kna’ar fatin Saúde Munisípiu Covalima, kinta (18/03).
Nia afirma, sei fó mos vasina ba estudante sira tinan 12 to’o 18, ne’ebé dadus rekolla ona husi eskola 30 iha Covalima.
“Ba estudante ami iha ema na’in 8.186 no ba komunidade ne’ebé atu simu vasina Pfizer hamutuk 1.500, entaun totál alvu husi tinan 12 to’o menus husi tinan 18 hamutuk ema na’in-9.686,” nia dehan
Implementasaun vasina ba estudante sira seidauk, tanba sei hala’o hela advokasia ba inan aman, maibé espera semana oin bele komesa ona.
Entertantu, númeru field vasina Pfizer ne’ebé distibui ona ba liña frente mak, 13 ba Sentru Saúde Fatumea, Fatululik 10, Fohorem 10, Maucatar 14, Suai 88, Tilomar 28 no Zumalai 20.
Tanba, stok field Pfizer ne’ebé Saúde Munisípiu simu husi nasionál hamutuk 200, nune’e alvu ba ema servisu iha liña frente rihun 1.098. (*)
