MS Lori Ona Pasiente Pozitivu Covid-19 Iha Suai ba Dili

Ambulansia ne'ebe tula pasiente Pozitivu Covid 19 iha Ospital Suai ba Dili, Sexta (5/2). Foto Espesial.
Ambulansia ne'ebe tula pasiente Pozitivu Covid 19 iha Ospital Suai ba Dili, Sexta (5/2). Foto Espesial.

Tempotimor (Covalima)-Ministériu Saúde (MS) halo ona transferénsia pasiente Covid-19 iha Suai mai izolamentu Vera Cruz hodi halo tratamentu, tanba iha Suai laiha fatin para halo izolamentu ba pasiente refere.

Tuir Filipe Pereira Lemos, Director Servisu Saúde Munisipio Covalima katak, pasiente refere tama iha teritóriu nasionál iha 22 Janeiru 2021, entaun iha tempu hanesan Unidade Patrollamentu Fronteira (UPF) hamutuk ho pesoál saúde asegura kedas ba karantina.

Read More

“Nia tama iha Fronteira Mota Masin iha 22 de janeiru 2021, depois iha loron 25 Janeiru pesoál saúde foti kedas nia sampel lori ba halo teste, maibé nia rezultadu negativu,” dehan Filipe Pereira Lemos, Director Servisu Saúde Munisipio Covalima ba www.tempotimor.com, Sesta (5/2).

Nia afirma, bainhira rezultadu teste ne’e hatudu negativu, sidadaun refere kontinua hela iha karantina to’o horseik kompelta loron 14 ne’ebé iha posibilidade boot atu fila ba nia familia, maibé horseik dadersan foti fali nia sampel foun hodi ba halo teste iha Ospitál Referál Suai, ne’ebé husi teste ne’e hatudu katak sidadaun ho inisiál NA pozitivu Covid-19.

Fontes ne’e akresenta, hafoin rezultadu teste pozitivu, husi Ospitál Referál Suai kontaktu kedas ba Koordenadór iha Dili, maibé la konsege mai, tanba kalan ona.

“Horseik ami kontaktu imediatu ba Koordenadór iha Dili atu halo transferénsia nia ba izolamentu iha Dili, maibé tanba horseik ne’e lokraik ona, entaun sira la konsege mai, ohin dadersan mak kareta mai foti ona nia ba izolamentu iha Dili hodi halo tratamentu,” nia esplika.

Tuir observasaun iha dadersan de’it ambulansia ho numeru matrikula 06.797G preparadu ona hodi transporta pasiente refere husi Ospital Suai ba Dili. (*)

Related posts