Prevene Propagasaun Covid-19, Pesoál Saúde Suai Na’in 7 Tama Karantina

  • Whatsapp
Ótel Elivan Fatin Karantina ba pesoal Saude husi Ospital Referal Suai, Sexta (5/2). Foto Tempo Timor.
Ótel Elivan Fatin Karantina ba pesoal Saude husi Ospital Referal Suai, Sexta (5/2). Foto Tempo Timor.

Tempotimor (Covalima)-Relasiona ho pasiente pozitivu Covid-19 ne’ebé hahú mosu iha Munisípiu Covalima, hamosu mos trauma no tauk, nune’e tékniku laboratóriu na’in 7 tama iha karantina Ótel Elivan, tanba sampel ne’ebé sira responsavél mak hetan pozitivu Covid-19.

Tuir tékniku laboratóriu Ospitál Referál Suai, Garvalenti Tai katak tékniku laboratóriu na’in hitu tama karantina, tanba fatin la seguru.

Read More

“Iha tékniku laboratóriu na’in hitu ne’ebé kompostu husi voluntáriu na’in rua, finalista Malaria na’in Ida no tékniku laboratóriu na’an haat,” dehan Garvalenti iha nia knaar fatin Suai, Sesta (5/2).

Tui nia, razaun ne’ebé halo tékniku na’in 7 ne’e tama karantina mak fatin ladun sufciente no la asegura hodi halo servisu no prosesu sampel sira.

“Horseik iha kazu pozitivu na’in ida no iha ospitál ne’e movimentu maka’as, entaun kolega ne’ebé servisu iha ne’e lori sampel ida pozitivu nian ne’e, entaun atu asegura para labele kona ami, maka kolega sira ne’e tama karantina,” Nia esplika.

Entretantu observasaun www.tempotimor.com iha terenu nota katak, komunidade ne’ebé hela besik Ospitál Referál Suai hahú hakmatek inklui movimentu komunidade nian hahú reduz.(*)

Related posts