Halai Ilegál Husi Dili, Haburas Pozitivu Covid-19 Iha Covalima

Estudante sira ne'ebé sai husi Dili ba Covalima, hetan dezinfeka husi pesoál saúde sira molok ba hela iha izolamentu Suai. Sesta (9/4). Foto Tempo Timor.
Estudante sira ne'ebé sai husi Dili ba Covalima, hetan dezinfeka husi pesoál saúde sira molok ba hela iha izolamentu Suai. Sesta (9/4). Foto Tempo Timor.

Tempotimor (Covalima)-Liga ba estudante no komunidade sira ne’ebé halai ilegál husi kapitál Dili ba munisípiu Covalima, mak dadaun ne’e haburas ona Covid-19 iha Covalima.

Tuir vise koordenador pilar III Covid-19 José Moniz Perreira katak, númeru estudante no komunidade ne’ebé mai husi Dili sai husi loron rua ba kotuk 70, maibé ba dadaun ne’e sa’e ona ba 100.

Read More

“Númeru karantina iha loron rua liu ba hamutuk 70 agora sa’e ba 175 iha karantina suai,” dehan José ba www.tempotimor.com iha karantina Suai, Sesta (9/4).

Nia afirma, númeru kazu iha Covalima sa’e hikas ba na’in 13, tanba estudante sira ne’ebé husi kapitál Dili mai fali munisípiu Covalima.

“Kazu Covid-19 iha horbainruak to’o ohin sa’e ona ba 13 ne’ebé iha ona sala izolamentu,” hateten nia.

Fontes ne’e akresenta, komunidade no estudante sira ne’ebé hela iha kapitál Dili fila mai munisípu covalima, tanba aproveita situasaun inundasaun mak halai sai tanba hamlaha no laiha osan atu selu uma kost inklui nesesidade bázika aumenta iha kapitál Dili no prosesu aprendizajem ba dadaun ne’e uza online, impaktu husi serka sanitaria iha kapitál Dili.

Maske nune’e, estudante no komunidade ne’ebé hela iha Dili kontinua trata dokumentu liuhusi Sentru Integradu Jestaun Krize Sala Situasaun (SIJK-SS) hodi ba Covalima, tanba iha kapitál Dili nesesidade báziku ne’ebé sai preokipasaun ba komunidade.(*)

Related posts