MEJD Aloka Rihun $669 ba Programa Merenda Eskolár iha Covalima

Administrador Munisipiu Covalima Francisco de Andrade hamutuk ho Diretor EMC Edmundo Ferreira enkontru hela ho diretor eskola sira kona-ba programa merenda eskolar iha Covalima. Kinta (10/06). Foto Tempo Timor

Tempotimor (Covalima)-Diretór Edukasaun Munisípiu Covalima Edmundo Ferreira katak, Orsamentu ba programa merendar eskolér segundu trimestre nian hamutuk rihun $.669.000, tamba ne’e tenke implementa programa ne’e tuir matadalan.

“Enkontru ne’e atu fahe informasaun ba sira, atu implementa programa merenda eskolár segundu trimestre tuir nia matadalan, siknifika katak orsamentu iha sira-nia liman, estudante sira loro-loron tenke han, maibé liga ho moras pandemia Covid-19 sei suspensaun ba atividade escolar, tanba ne’e liuhusi enkontru ne’e atu fó hanoin ba sira para sira labele ses husi matadalan,” dehan Diretór EMC ba www.tempotimor.com iha salaun administrasaun munsípiu Covalima, Kinta (10/06).

Lee Notisia Seluk

Diretór ne’e dehan, implementasaun merenda eskolár ne’e ba loron 44, maibé sei paradu tamba Covid -19.

“Ba segundu trimestre ida ne’e ita planu ba loron 44, maibé programa ne’e sei paradu hela, tamba ita-nia atividades ensinu aprendisajem seidauk la’o,tanba moras Covid-19 ne’e, tanba ne’e husu eskola ida-idak tenke kuidadu osan prógrama merenda eskolár ne’e, depois  atividade eskola kontinua mak uza fila fali,” katak Nia.

Iha sorin seluk Administradór Munisípiu Covalima Francisco de Andrade dehan, bainhira implementa programa ne’e, sei haruka diretór fiskalizasaun munisipál hamutuk ho inspetór sira sei halo auditóriu ba eskola hotu, atu fó atensaun ba eskola sira.

“Ha’u sei buka informasaun, depois ha’u sei haruka diretór fiskalizasaun munisipál hamutuk ho inspetór, sira sei halo auditóriu ba eskola hotu bainhira atu  implementa, tamba dalaruma gabinete ho diretór iha ona konflitu nia laran signifika iha ona failansu, tanba ne’e molok akontese fó hanoin kedas ba direktór sira iha eskola,” katak administardór.

Entertantu totál estudante husi eskola bázika iha munisípiu hamutuk 982,443, dadus ne’e la inklui estudante eskola Katólika sira iha Covalima.(*)

Notisia seluk