Tempotimor (Covalima)-Tuir administradór munisípiu Covalima, Fransisco de Andrade katak, komunidade liu rihun 7.822 mak vasina kompleta ona ho AstraZeneca.
“Iha munisípiu Covalima komunidade antuziasmu tebes simu vasina AstraZeneca, tanba livre halo viajen la presiza swab, entaun antes ne’e servisu saúde munisípiu Covalima haruka proposta ba iha nasionál husu vasina AstraZaneca rihun 10.977, maibé nasionál haruka de’it rihun 7.822-resin, entaun la sufisiente,” dehan Administradór Francisco ba www.tempotimor.com iha nia knaar fatin, Segunda (28/06).
Administradór ne’e afirma, ba oin ida ne’e servisu saúde munisípiu Covalima kontinua haruka proposta ba nasionál, nune’e komunidade sira kontinua simu vasina no Covalimaoan hotu simu.(*)
