Lakon Loron Tolu, Familia Simu Osmenio ho Mata-Been

Tempotimor (Covalima)-Tuir Jacob Cardoso Gusmão nu’udar familia matebian ba www.tempotimor.com katak, matebian Osmenio Soares lakon loron tolu mak hetan fali, maibé hetan ho kondisaun mate ona.

Matebian sai iha Domingu (25/07/2021) no ohin (27/07/2021) mak hetan fali nia mate isin iha ai-laran maizumenus tuku 16:00 lokraik oras Timor-Leste,” dehan Jacob iha fatin akontesimentu aldeia Halihun, Tersa (27/07).

Read More

Reprezentante familia ne’e afirma, durante ne’e matebin ho nia kaben hela de’it iha to’os, depois husi komunidade ba to’os ne’ebé matebin ho nia kaben hela maizumenus metru 500.

Entretantu, matebian Osmenio mate ho idade 60 no husik hela fen kaben mesak, tanba laiha oan, no dadaun ne’e matebian nia mate isin bubu ona, tanba mate kuaze loron tolu ona.

Alende ne’e www.tempotimor.com mós observa katak, iha tuku 17:30 Polísia Nasionál Timor-Leste (PNTL) Munisípiu Covalima to’o kedas fatin akontesimentu hodi transporta matebian nia mate isin ba nia rezidénsia hodi halo tuir kultura suku Matai nian.(*)

Related posts