Tempotimor (Covalima)-Tuir motorista Eduardo da Cruz espresa sentimentu triste ba governu liga ba kondisaun estrada tanba tinan barak ona mak estrada nafatin aat.
“Ami motorista ne’e triste tebes, bainhira halo movimentu ba mai hanesan ne’e ami ta’uk tebes, tanba kondisaun estrda halo ami trauma, maibé tenke obriga liu husi ne’e tanba laiha dalan seluk atu liu, ne’ebé fó hanoin ba governu se bele hadi’a netik, halo di’ak labele ateru de’it, tanba depois udan hanesan ne’e dalan sai aat liután,” dehan motorista Eduardo ba www.tempotimor.com bainhira viajem hela ba postu Maucatar, Ohin (02/08).
Iha sorin seluk administradór postu administrativu Maucatar, Sebastião Guterres mós rekoñese kondisaun estrada publiku ne’ebé liga postu seluk inklui munisípiu Bobonaru.
“Estrada nasionál ida ne’e liga ba postu no munisípiu Bobonaru ne’e ami hato’o bei-beik ona, maibé nafatin to’o ágora laiha rezultadu, tanba grande projetu, ne’ebé ha’u hanesan administradór postu nafatin esforsu hodi hato’o nafatin ba parte relevantes nasionál sira hodi responde,” dehan Nia.
Entertantu estrda nasionál ne’ebé liga husi munisípiu parte suku Ogues ba to’o fronteira postu administrativu Maucatar hamutuk kilómetru 26 ne’ebé to’o agora kontinua aat.(*)
