Tempotimor (Covalima)-Estudante Estajiáriu husi Universidade Nasionál Timor Lorosa’e (UNTL) hamutuk na’in 30 ne’ebé durante fulan haat hala’o estájiu iha Eskola Sekundária Jerál Públika (ESGP) Suai, ohin retira ona estájiu fatin tanba kompleta ona kalendáriu estájiu nian profesionál nian.
Reprezentante Diretór (ESGP), Xefi Gabinete Calistro Leite Gusmão lori Eskola Sekundária Jerál Públika Suai nia naran hato’o agradese ba UNTL ne’ebé koloka ona estudante na’in 30 mai iha Covalima.
“Primeiru há’u lori ESGP nia naran hato’o agradese ba Univesidade Nasionál Timor Lorosa’e ne’ebé koloka ona estudante na’in 30 mai iha munisípiu Covalima no mai iha ESGP Suai ne’e, tanba ne’e agradese ba estudante estajiáriu na’in 10 ne’ebé durante ne’e ajuda ona profesór sira iha eskola refere ho tempu naruk tebes,” dehan Reprezentante Diretór ESGP, Xefi Gabinete Calistro ba jornalista sira hafoin ensera estudante sira-nia prosesu estájiu iha Covalima, Sesta (17/12).
Calistro Leite fundamenta, odamatan ESGP Suai nakloke ba univesidade hotu iha teritóriu Timor-Leste ne’ebé hakarak koloka estudante hodi estájiu iha eskola refere nomós estudante sira ne’ebé atu mai peskiza ESGP nafatin simu.
Iha fatin hanesan, Maria Imaculada ne’ebé representa husi profesór kooperasaun sira katak, observasaun ba estudante estajiáriu sira durante hala’o estajiáriu iha eskola refere hanesan naksalak hirak sira ne’e diak ka at Eskola refere nia responsavel.
“Tuir ami-nia observasaun ba estudante estajiáriu husi UNTL ne’ebé durante ne’e hala’o estájiu iha eskola ida ne’e di’ak ka aat ita hotu nian, maibé bazeia mós ba koperante ida-idak nia haree, ami agradese tebes ba ita boot sira, tempu barak nia laran ita-boot sira ajuda ona ami, no diskulpa ba imi hotu karik ami-nia hahalok dalaruma la monu ba ita-boot sira-nia laran karik,” katak Maria
Enkuantu reprezentante estajiáriu UNTL, Agapito Gouveia Leite senti orgullu, tanba durante hala’o estajiáriu iha eskola refere nunka atu falla iha matéria.
“Ami orgullu tebes tanba durante ami hala’o estájiu iha eskola ida ne’e nunka falla ba matéria no iha eskola refere profesór sira atende ami di’ak tebes depois difilkuldade ne’ebé ami hasoru ne’e ba ekonómia de’it, tanba ami estudante sira ne’e balu mai husi munisípiu seluk,” tenik Agapito.(*)
