Tempotimor (Covalima)-Komunidade uma ka’in-4 iha área Fatuahu, Aldeia Leogol, Suku Zulo, Postu Administrativu Zumalai, Munisípiu Covalima sai vítima ba inundasaun ne’ebé akontese udan boot iha loron 05 fulan-janeiru tinan 2022.
Rejulta husi udan boot ne’e, bee tama uma lori sasan báziku sira inklui batar iha to’os laran no ikan ne’ebé komunidade hakiak iha kolam.
“Be’e lori ami nia sasan ne’ebe mak be lori mak hánesan Manu inan ho oan Manu aman lori hotu inklui ropa no Balde Sanan,Tasu no Bikan lori hotu, no mos Asu ida Batar iha to’os mais umenus hektares ida, Ikan nila kolam tolu, ami gembor 4 mos lori hotu,” informa Vítima Xisto Gusmão, kuarta lokraik (05/01).
Nia dehan akontesimentu ne’e, sira la salva sasan, tanba udan ne’ebé tau ho volume makas.
Xefe Suku Zulo, João Lopes de Carvalho mós haktuir, inundasaun ne’e akontese kada tinan, ne’ebé bee konsege tama komunidade sira nia uma.
“Akontesimentu ne’e seidauk estragus uma sira no bee konsege tama duni komunidade uma kain ha’at nia uma laran hodi bok an ladiak, kona-ba sasan estragus, hau seidauk haree, tanba udan boot hela, ne’ebé hau seidauk foti dadus ruma,” dehan nia
Nune’e, rekomenda ba Ministru Agrikultura no Peskas (MAP) espesial MAP Covalima atu halo rehablitasaun ba irigasaun, tanba ho medida ki’ik ka badak, entaun bee ho volume boot nia labele augenta. (*)
