Governu Prevé $164.861.91 ba Edifísiu PA Maucatar

Tempotimor (Covalima)-Kuarta-feira (05/01) ohin, Adminitardór Munisípiu Covalima (AMC), Fransisco de Andrade halo lansamentu fatuk dahuluk ba projetu konstrusaun edifísiu postu administrativu Maucatar ne’ebé ho montante orsamentu hamutuk rihun $164.861.91.

Iha lansamentu fatuk dahuluk ne’e, Administradór Munisípiu Covalima husu ba kompañia ne’ebe kaer obra ne’e, atu uza traballadór sira iha postu Maucatar rasik, labele uza traballadór husi postu seluk.

Read More

“Ohin ita halo lansamentu ba edifísiu ne’e, hodi nune’e ita la’o dadaun saída mak planu Munisípiu Covalima nian no husu ba kompañia iha ne’e ita ohin lansamentu ona, ha’u husu ba kompañia katak, kona-ba traballadór tenke uza iha postu ne’e, lábele husi fatin seluk mak mai servisu iha ne’e, tanba lei la fó dalan,kona ba tekniku ne’e depende ba Kompañia sira,” Nia hatete

Administradór ne’e mós husu ba kompañia SABUDOI tenke uza instrumentu ne’ebé regula husi SEFOPE rasik nomós ba komunidade postu Maucatar atu asegura ba konstrusaun refere.

“Ne’e kusta ita boot sira nian, ne’ebé komunidade hotu tenki halo seguransa no asegura, nune’e konatrusaun edifísiu ne’e bele susesu,” nia enkoraja komunidade sira.

Hatán ba kestaun ne’e, supervizór kompañia SABUDOI, Alfredo dos Santos katak, konstrusaun refere uza traballadór husi postu Maucatar no konstrusaun refere remata durante fulan neen nia laran.

“Tékniku ba konstrusaun husi kompañia ami-nia rasik no traballadór mak ami presiza duni 30-resin ba konstrusaun ne’e, traballadór husi postu ne’e rasik, loloos ne’e edifísiu ne’e tama ona 40%, maibé difikuldade ne’ebé ami hasoru mak kona-ba rai, ne’ebé ohin foin halo lansamentu,” Nia hatete.

Entertantu konstrusaun edifísiu postu administrativu Maucatar ho nia médida uma ne’e 26×14 ne’ebé kompostu husi kuartu lima no salaun ida. Konstrusaun refere sei konstroi durante fulan neen.(*)

Related posts