Besik Tinan-10, Governu Abandona Edifísiu Alfandega Rua Iha Covalima

Edifisiu Alfândega iha Aldeia Beco, Suku Fatululik, Postu Administartivu Fatululik, Munisípiu Covalima. Foto Tempo Timor

Tempotimor (Covalima)-Governu Timor-Leste iha lideransa Kayrala Xanana Gusmão nian ne’ebé harii edifísiu Alfandega rua iha postu administrativu Fatululik no Fatumea besik ona tinan 10 governu kontinua abandona.

Tuir Pesoál Apoiu Suku (PAS) Fatululik, Felis Vicente katak, edifísiu alfandega ne’ebé to’o agora governu abandona hari iha tinan 2012.

Lee Notisia Seluk

“Uma ne’e halo iha tinan 2012 ne’ebé to’o agora, ne’ebé ita sura tinan ne’e abandona tinan sia ona tama tinan sanulu ona, tanba ne’e ha’u nu’udar autoridade lokál ezije ba governu relevante bele funsiona uma ne’e, Tanba orsamentu barak mak fakar ba uma ne’e, maibé ate a data la uza, ne’ebé ami husu ba Ministériu kompetente se laiha nesesidade husu atu funsiona uma ne’e, bele entrega ba ministériu seluk hodi uza nune’e osan ne’e labele fakar saugati de’it,” Hateten Felis Vicente ba www.tempotimor.com iha suku Fatululik, Sábadu (5/6).

Pesoál ne’e akresenta, iha joven na’in rua mak koloka ba uma ne’e hodi halo segunransa ba edifísiu alfandega ne’ebé hetan abandonadu husi governu.

“Oras ne’e dadaun joven na’in rua mak seguransa ba edifísiu ne’e hodi haree no hamos ba uma alfandega ne’e,” Imforma Nia.

Entretantu, edifísiu Alfandega rua ne’e konstroi husi kompania Tatamero iha tinan 2012, ne’ebé ho médida uma ne’e 12×14, ne’ebé kompostu husi kuartu lima no haris fatin rua, maibé iha fasilidade balun aat ona, tanba laiha manutensaun.

Entertantu to’o, notísia ne’e públika, www.tempotimor.com seidauk konfitma ho parte relevante iha munisípiu Covalima, tanba loron Sábadu.(*)

Notisia seluk